Жас маман  тәжірибесінен: ізденістер мен жетістіктер»

«Дарынды балаларға арналған Ю.Гагарин атындағы №8 арнаулы гимназиясы» МКМ

«Өрлеу»  білім – ғылым технология порталы  мен Дарынды балаларға арналған Ю.Гагарин атындағы №8 арнаулы гимназия  бірлесе отырып, Елбасымыз Н.Ә.Назарбаевтың бастамасымен жарияланған 2019 жыл   Жастар жылына байланысты  облысымыздағы  жалпы білім беретін білім ордаларындағы жас мамандар арасында өтетін  облыстық  « Жас маман  тәжірибесінен: ізденістер мен жетістіктер»  байқауын жариялайды.

Байқаудың мақсаты: жас мамандардың біліктілігін арттырып, педагогикалық шеберлігін шыңдау мақсатында, өз кәсібіне деген сүйіспеншілігін ояту және оларды  педагогикалық ізденістерге ынталандыру.

Қатысушы үміткерлердің жұмыстары 15 сәуір  мен  15   мамыр  аралығында   sgodv8@mail.ru электронды почтасына қабылданады. Осыған байланысты байқау шарттары туралы ақпаратты білім мекемелерінің басшылары мен жас мамандардың назарына жеткізуді сұраймыз.

«Өрлеу»  білім – ғылым технология порталы  ақпараттық білім порталы байқаудың ұйымдастырушысы болып табылады.

Облысты «Жас маман  тәжірибесінен: ізденістер мен жетістіктер»  байқауының

        ЕРЕЖЕСІ

1.Байқаудың мақсаты:

— Жас мамандардың біліктілікке, өз кәсібін  жетік меңгеруге,  іскерлікке,  жауапкершілікке  баулу;

— Облыс көлемінде  жас мамандар ішінен ең үздігін анықтау;

— Педагогикалық тәжірибе жинақтау, жалпы  білім беретін мектептерде қызмет атқаратын жас мамандардың мәртебесін көтеру, ынталандыру;

Байқаудың өту тәртібі:

1.Байқауға кез-келген жалпы білім беретін ұйымдарының еңбек өтілі 5 жылға дейінгі жас мамандары  қатыса алады.

2.Байқауды өткізу және ұйымдастыру ісімен ұйымдастыру алқасы айналысады.

3.Ұйымдастырушы қатысушыларды тіркеуді, жұмыстарды сараптауды, қорытынды шығаруды, марапаттауды жүзеге асырады.

4.Байқаудың жеңімпаздарын анықтау үшін арнайы әділ-қазылар алқасы ұрылады.

5.Байқауға жіберілген материалдар мен жұмыстар кері қайтарылмайды.

Байқау тапсырмалары :

• «Жаңғыру жолындағы жас маман рөлі» тақырыбында эссе жазу (көлемі – 2 бет, Times New Roman, 14 шрифт, 1,5 интервал). Эссе көшірме болмауы керек.
• Мұғалімнің жеке портфолиосының электронды нұсқасы (мұғалімнің жеке басын куәландыратын құжаттарымен бірге слайд түрінде жетістіктері толық қамтылуы тиіс).
• «Үздік ашық сабақ» (компьютерде терілген нұсқасы + видео нұсқасы  5 минуттық үзінді);

Ескерту: Басқа адамның және интернет желісінен алынған материалдарды қолдануға қатаң тыйым салынады.

Байқаудың марапаттау рәсімі:

Бас жүлде (1) — диплом,  байқау жеңімпазы үшін арнайы тағайындалған   «Жастар жылы» төсбелгісі мен куәлік

І орын – диплом, «Жастар жылы» төсбелгісі мен куәлік;

ІІ орын – диплом, «Жастар жылы» төсбелгісі мен куәлік;

ІІІ орын – диплом, «Жастар жылы» төсбелгісі мен куәлік;

«Ең үздік портфолио» номинациясы – диплом;

«Үздік эссе» номинациясы – диплом;

«Үздік ашық сабақ» номинациясы – диплом;

Барлық қатысушылар арнайы Мақтау грамоталарымен марапатталады.

Біздің мекен- жайымыз: Алматы облысы Талғар қаласы,Гагарин көшесі, 31

Қатысу үшін және байқауға қатысты туындаған сұрақтар бойынша қосымша ақпарат алу телефоны: 87277422537

Байқаудың өткізілу уақыты: 15.05.2019  сағат 10.00

Өтініш беру үлгісі

«ЖАС МАМАН»  атты облыстық  жас мамандардың байқауына қатысу туралы өтініш

 

Аты – жөні, тегі
Еңбек өтілі , санаты
Облыс, қала, ауыл мекен – жайы
Жұмыс орны
Жетістіктері
Эл. поштасы
Байланыс телефоны

 

 

 

«ӨРЛЕУ» Білім-ғылым, технология  Порталы мен «Дарынды балаларға арналған Ю.Гагарин атындағы №8 арнаулы гимназиясы» МКМ

«Үздік автор» республикалық  сайысын ұйымдастырады

 

Республикалық  үздік авторлық бағдарламалар сайысының

ЕРЕЖЕСІ

«Үздік автор» авторлық бағдарламалар сайысының мақсаты:

1. «Үздік автор» төсбелгісін беру аса маңызды моралдық ынталандыру ретінде, педагог мамандардың   авторлық жемісті қызметіне, олардың таланты мен бастамашылығына   «ӨРЛЕУ» Білім-ғылым, технология  порталы  әкімшілігі тарапынан алғыс  білдіру.
2. Білім мен тәрбие саласының дамуына үлкен үлес қосқаны үшін,    оқушылардың  қызығушылықтарын арттыру мақсатында,  рухани және зияткерлік әлеуетін , шығармашылық ізденістерін  дамытуда  оқытудың заманауи формалары мен әдістерін қолдану жолдарын іздестіріп, жетістіктерге  жеткені мұғалімдерді іріктеп, марапаттау.

 «Үздік автор» авторлық бағдарламалар сайысының міндеттері:

1. Педагогтар мен педагогика саласындағы ғылыми  ізденушілердің жеткен жетістіктерін ақпараттық  жариялау мен  заманауи  педагог имиджін   қалыптастыру.
2. Ұстаздардың өз — өздерін шығармашылық тұрғыдан дамытуы мен кәсіби өсуі қолдау үшін моральдық тұрғыдан  ынталандыру.
3. Портал сайты арқылы материалдарды медиялық айналымға енгізу.

Жалпы ережелер:

1. Байқауға қатыса алады:

—  негізгі орта білім  беру мекемелерінің мамандары;

—  орта білім беру (жалпы орта білім беру, техникалық және кәсіптік білім беру) мекемелерінің мамандары.

2. Қатынасушылар педагогикалық жұмыс өтілі — 5 жылдан кем емес болмауы.
3. Авторлық әдістемелік құралы әдістемелік мазмұнда немесе дидактикалық мазмұнда болуы.
4. Байқауға келіп түскен материалдарды әділ қазылар алқасы арнайы іріктеп қарайды.
5. Ең үздік авторлар байқауды ұйымдастырушылардың атынан арнайы төсбелгі, куәлік және құрмет грамотасымен марапатталады.

Біздің мекен- жайымыз:

Алматы облысы Талғар қаласы,Гагарин көшесі, 31

Қатысу үшін және байқауға қатысты туындаған сұрақтар бойынша қосымша ақпарат алу телефоны: 87277422537

Байқаудың өткізілу уақыты: 15.05.2019  сағат 10.00

Өтініш беру үлгісі

«Үздік автор»  атты  республикалық  сайысқа  қатысу туралы өтініш

 

Аты – жөні, тегі
Еңбек өтілі , санаты
Облыс, қала, ауыл
Жұмыс орны
Авторлық бағдарлама атауы
Эл. поштасы
Байланыс телефоны

 

Байқауға қатысушылар электронды  түрде сұранысты   sgodv8@mail.ru  электронды почтаcына жолдаңыздар.

Сұрақтар бойынша: 87277422537 телефоны бойынша хабарласыңыздар.